受了委屈我可以跟誰說？
辦公室裏每個人都當我百毒不侵經驗老到爐火純青
大大聲面皮厚的中女
其實我也有我受委屈的時候
不過沒有人相信而已
別人眼中只有我去欺負別人沒有人夠膽來惹我
這就是我的悲哀
連續兩天經理在下班後只剩我跟他的時候說了我幾句
其中一個指控是我不跟人打招呼
我當然第一時間喊冤
我說是因為沒有人跟我打招呼我才這樣
這裏誰都冷冷的
其中一個還連續兩天早上一起等電梯固意不一齊進一架等下一部
又有一個我跟她笑她轉過頭假裝看不見
難道我要笑到她理我為止
按着電梯門到她進來為止乎？
然後他提到一個小妹妹的名字説他observe到我不跟她打招呼
噢難道她又有跟我say hello乎？
他説你知你個死樣啦
我知我知我個款一向都乞人憎唔識我嘅都以為我好寸
我想架？
佢夠唔say hello 囉你唔去話佢走嚟話我?
係你可以話因為你係我直屬上司你有責任改善我態度
仲攞新嚟個同事dat我話我唔講佢都唔講
但係唔該你話我之前你都至少做個好榜樣
至少搵一朝番嚟時到同我講聲早辰而唔係一陣風咁走過囉
都話我同男上司唔多夾架啦
好喇自己同自己講完嘢喇無人會聽我傾訴架喇
有委屈只可以咕嚕吞落肚等生癌啦
No comments:
Post a Comment